الموقف القانونى لرجوع مكتب ادارى
دلوقتى انا دفعت مقدم مكتب ادارى بنظام اقساط على ١٥ سنه ومضيت على العقد ابتدائى ومخدتوش مقابل انى اروح البنك واعمل دفتر شيكات بعدد اقساط على ١٥ سنه فدلوقتى انا حصلى ظرف هل متاح ليا انى اروح اسحب المقدم بتاعى ومكملش ولا كده العقد اللى معاهم قانونى وميرضوش يدونى فلوسى ولو مرضيوش هل فيه نسبه خصم قانونى ولا لاه وعلى علم انا لسه معملتش دفتر الشيكات ومسلمتوش علشان اخد نسخه العقد وشكرا
الردود
علي حسب بنود العقد اليحكمك انت والطرف الثاني
على حسب بنود العقد واى حد يقولك على استشاره غير كده يبا بيألف شوف العقد الاول
المتعارف عليه قانوناً وعرفاً أن فى حاله دفع مبلغ عربون لجديه التعاقد فى حاله رجوع أحد الأطراف فلا يستحق رد العربون انما لو رفعت دعوى قضائية وعرفت انك تثبت أن ضهر عندك ظرف قهرى وليس لديك اى يد فيه والظرف ده بياثر على مركز المالى والقانوني ساعتها المحكم بتحكملك بالفلوس بتاعت مع خصم جزء بسيط منها وفى اوقات المحكمه مابتخصمش اى شئ من الفلوس ودى بتكون نسبه تقديريه لقاضى الموضوع
محمد نشأت منصور نافع
محامي مدني، أسره، اداري، عمال، مجلس الدولة، تجاري وشركات
منذ شهر
يجب اولا معرفة بنود العقد وهل يوجد اتفاق على موعد محدد للاقساط ومقدار الشرط الجزائي وبند الفسخ وايضا غرامة التأخير.
في جميع الاحوال العقد شريعة المتعاقدين ويجب تنفيذه بحسن النية ويلزم تحديد الظروف القاهرة التي تبيح نقض العقد او الغاءه.
وعلى العموم ننصح بعدم تسليم دفتر الشيكات وننصح بطلب نسخة ضوئية ومراجعة بنود العقد جيدا