اجراءات نقل ملكية شقة ورثة ؟؟
لو سمحت و لدي توفي من فترة وحنا 3 اولاد و الام و قررت اشتري الشقة من اخواتي الاتنين ودفعت لكل فرد حقه بالفعل فحابب اعرف الآتي 1-ايه الورق المطلوب لتنازل الاخوه و الام عن الشقة 2-بعد التنازل ازاي اسجل ان شقة بقت باسمي انا ؟ اسف للاطالة.
الردود
كتابة عقد بيع
عمل توكيل بالبيع للنفس وللغير بالشهر العقاري
طلما انت عملت التنازل والكلام خلص فيه اجرائين لازم تعرفهم الاول هل العقار ده تابع للسجل العينى ولا الشهر العقارى علشان تتبع طريقة التسجيل والثانى هو عمل اشهار إرث علشان تبا ضمنت عدم ابطال التنازل ده بعد ذلك
اولا الورق المطلوب هو يتم تحرير عقد بيع حصة شائعة من باقي الورثة كبائعين اليك كمشتري
تسجيل الشقة ونقل ملكيتك بيكون من خلال دعوى صحة ونفاذ أو من خلال الشهر العقاري وان كنت ممكن ترفع دعوى صحة توقيع لإثبات صحة توقيعهم على العقد وحضورهم للجلسة وتكتفي بده نظرا لغلو مصاريف دعوى الصحة و النفاذ أو تسجيل الشهر العقاري
أرجو أن أكون افدتك
ممكن قسمه رضائية وعقود بيع وشراء بينكم
بعد اعلام الوراثة
وبعدها شهر عقاري توثق العقود
تكتب عقد أنت طرف مشتري وأخواتك وأمك طرف بائع
أخواتك وأمك يعملو لك توكيل بالبيع للنفس وللغير
سجل الشقة في الشهر العقاري أو أرفع دعوى صحة توقيع
عقد بيع بينك وبينهم ويسجل في الشهر العقاري
مصطفى ماهر
محامي جنائي، مدني، أسره، تجاري وشركات، محاكم عسكرية
منذ 3 أسابيع
أولا هتعمل اعلام وراثه وبناء عليه هتعمل عقد بيع للشقه وهتكتب فيه نصيب كل واحد من الورثه وكل واحد فيهم خد كام بالظبط
ثانياً كل واحد من الورثه يعملك توكيل عام مخصص بناء على عقد البيع ده وإعلام الوراثه
ثالثاً فى حاله تعذر عمل التوكيل ممكن انك ترفع على الورثه دعوي صحه توقيع